Lögfræðin – yfirlit
Með um 20 ára reynslu af ýmsum lögfræðistörfum og vernd hugverkaréttinda getur Lag á læk verið þér innan handar með flest sem á getur reynt.
Lög og reglur, mis vel skiljanleg og misskemmtileg verða á vegi okkar í gegnum lífið.
Til dæmis:
Umsóknir um alls kyns réttindi, t.d. hugverkaréttindi eða styrki.
Rökstuðningur, hvort sem er gagnvart stjórnsýslunni eða öðrum.
Umsagnir um lagafrumvörp, reglugerðir og fleira.
Samningagerð og rýni/túlkun samninga.
Skipti á dánarbúum.
Greining á lögfræðilegum erindum eða öðrum texta.
Þýðingar yfir á eða úr ensku og frönsku.
Hugverk eru allt umlykjandi.
Þegar við notum tæki nútímans þá virkjast fjöldi hugverkaréttinda, jafnt einkaleyfi, vörumerki og hönnun.
Um hugverkaréttindi
Vörumerki eru ekki bara þeirra sem framleiða dýrar vörur.
Vörumerki og vernd þeirra er fyrir alla sem vilja skíra vöruna sína eða þjónustuna tilteknu heiti og gæta þess að enginn annar noti eins eða líkt heiti fyrir sína vöru/þjónustu.
Vörumerki þurfa að vera sérstök, þau mega ekki vera heiti sem segir til um hver varan / þjónustan er.
Í símanum þínum er t.d. að finna fjölda vörumerkja eins og heiti símans, framleiðandans eða snjallforrita. Þá njóta myndir margra forrita vörumerkjaverndar.
Vörumerki eru alls konar enda eru 45 flokkar vara og þjónustu sem hægt er að velja úr við skráningu þeirra.
Einkaleyfi vernda tæknilegar uppfinningar, þ.e. virkni hluta, aðferða o.fl. Einkaleyfishæf uppfinning verður að vera ný á heimsvísu, frumleg og hagnýtanleg.
Lyfin sem við þurfum eru iðulega háð einkaleyfavernd og eins færibönd og fiskitroll. En bara í símanum þínum er að finna forrit sem framkvæma eitthvað tæknilegt, s.s. opna símann með stroku. Þau geta líka notið einkaleyfaverndar.
Hönnun verndar útlit vöru eða skreytingu hennar.
Hönnun verndar ekki bara borð, stóla, fatnað og skart – í símanum getur einnig verið að finna skráða hönnun, t.d. útlit tækisins eða skjámynd/skjávara, letur o.fl.
Ef þú þarft á þjónustu lögfræðings að halda
– hafðu samband!
Lag á læk 